اذا في قلب بالدنيا بيتساوى مع قلب العصفور هو قلب محمد ابن نعمة حراجلي.. اليوم اسرائيل قتلتو ببنت جبيل مع الشهيد محمد بيضون والشهيد هشام بيضون، لأن كانوا عم يساعدوه بتصليح السيارة حد البيت.. محمد كان مسالم بحياته لدرجة كان اذا بيعرف في مشكل بمكان كان يغير طريقه، محمد رفيقنا بالصيد وسوق الخميس والزلمي يلي كان داير على لقمة عيشه من شغله بالكندرجي عند المرحوم ذياب الحوراني بالساحة.. محمد لي ترك نيويورك من زمان كتير عشان حس انو ما في امان الا ببيته بحي عرض الفقر مطرح ما غدروه اليوم قتلة الانبياء والاطفال.. رفيق الكل وحبيب الكل رح نشتاق لضحتك الخفيفة ومزحك الخفيف لما نقعد نحكي عالقافية ونضحك ونتذكر لما كنت تقول لكل حدا تشوفه " يا حبيب الروح" ولمشاويرك بسوق الخميس ولاحاديثك عن صلي الدبق والحساسين والشرب من جران المشتى والقلاع ومارون… فليت خفيف كتير وفليت حبيبنا كلنا الله يرحمك انت ومحمد وهشام والعزا لبنت جبيل
حسن بيضون - بنت جبيل.أورغ
تغطية مباشرة
-
الجيش يوقف 3 مواطنين في منطقة خلدة لترويجهم عملات مزورة! تتمة...
-
الدفاع المدني: انتشال جثامين 3 شهداء من حي الجلاحية في الخيام
-
بدء اجتماع لجنة تطبيق إتفاق وقف إطلاق النار في السراي الحكومي برئاسة رئيس الحكومة نجيب ميقاتي
-
إدارة الطيران الفيدرالية الأمريكية: خطوط الطيران الأمريكية توقف رحلاتها على مستوى البلاد إثر مشكلة تقنية
