توفي اليوم الشاب آلن جوزيف سلوم بعد صراع مع مرض السرطان خطفه في ربيع العمر. وآلان كان قد نشر عبر صفحته على فايسبوك منشور يطلق فيه صرخة بوجه النظام الإستشفائي في لبنان، قائلاً :"إنتقموا لي من جارور الأدوية، إنتقموا لي من كل التلوث الذي يفتك بنا ، إنتقموا لي من فاتورة إستشفائي الباهظة التي بلغت منذ سنتين لغاية اليوم حوالي 80 مليون ليرة لبنانية من جيبي الخاص لأن الضمان ما بيغطي كل شي، إنتقموا لي من نظامنا الصحي المقيت المذل على أبواب وزارة الصحة ومؤسسة الضمان الإرهابية ، إنتقموا لي من نظام المستشفيات الخاصة يلي قبل كل عملية بيهلكوك تلفونات انو ما انسى جيب معي الرعبون قبل ما فوت وبيدقولك كل يوم ع غرفتك تنزل مبلغ معين على المحاسبة، إنتقموا لنا جميعاً لنا جميعاً".
أصدقاء آلن نعوه بكلمات مؤثرة في صفحاتهم بمواقع التواصل الاجتماعي، فقال أحدهم:"ما في شهر عم يمرق الا يا بيتركنا حدا وبسافر يا الموت بيخطف حدا.. مرة جديدة منفيق على خبر فقدان.آلن، كنا ناطرينك كنا بدنا نقعد، كان في كتير ضهرات بدنا نروحها، رح نشتاق لمزحاتك ولسرداتك، روحك بمحل أحسن وارحم من هون اكيد، روحك بمحل بيشبهها بدون وجع."
